Yeni Azərbaycan Partiyası (YAP) Sumqayıt şəhər təşkilatının sədri Ramiz Hüseynov 55 illik yubileyi münasibətilə Sumqayıt Bələdiyyəsinin rəhbərliyi və üzvləri tərəfindən təbrik edilib.
Təbrikdə Ramiz Hüseynovun ictimai-siyasi fəaliyyətinə, şəhərin inkişafında və partiya quruculuğundakı xidmətlərinə xüsusi önəm verildiyi vurğulanıb.
Təbrikdə qeyd olunub ki, Ramiz Hüseynov uzun illər ərzində Sumqayıtın ictimai-siyasi həyatında fəal və prinsipial mövqeyi ilə seçilib. Onun vətəndaşlara daim açıq olan münasibəti, əhali ilə səmimi və operativ ünsiyyəti şəhər sakinlərinin rəğbətini qazanıb.
Ramiz Hüseynovun partiya işinə göstərdiyi sədaqət, Yeni Azərbaycan Partiyasının prinsiplərinə bağlılığı və təşkilatçılıq qabiliyyəti yüksək dəyərləndirilib. O, YAP-ın Sumqayıt təşkilatında fəaliyyətini səmərəli və məqsədyönlü şəkildə quraraq, təşkilatın nüfuzunun artmasına töhfə verib. Həmçinin müxtəlif sosial layihələrin, vətənpərvərlik tədbirlərinin və maarifləndirici aksiyaların keçirilməsində onun təşəbbüsləri xüsusi qeyd olunub.
Vurğulanıb ki, Ramiz Hüseynov təkcə bir partiya rəhbəri deyil, həm də əsl ziyalı, dəyərli insan və cəmiyyətə bağlı şəxsiyyət kimi tanınır. Onun qazandığı ictimai nüfuz və zəngin təcrübə gələcək fəaliyyətində də uğurlarının davamlı olacağına əminlik yaradır.
Məlumat üçün bildirək ki, Ramiz Hüseynov 55 illik ömür yolunda həm idarəçilik, həm də ictimai fəaliyyət sahəsində səmərəli və məsuliyyətli bir yol keçib. O, dövlətçilik dəyərlərinə sadiqliyi, gənclərə örnək olacaq lider keyfiyyətləri və cəmiyyətə verdiyi töhfələrlə daim hörmət və nüfuz qazanıb.